בראשית 4:18-24

¹⁸ויולד לחנוך את־עירד ועירד ילד את־מחויאל ומחייאל ילד את־מתושאל ומתושאל ילד את־למך׃ ¹⁹ויקח־לו למך שתי נשים שם האחת עדה ושם השנית צלה׃ ²⁰ותלד עדה את־יבל הוא היה אבי ישב אהל ומקנה׃ ²¹ושם אחיו יובל הוא היה אבי כל־תפש כנור ועוגב׃ ²²וצלה גם־הוא ילדה את־תובל קין לטש כל־חרש נחשת וברזל ואחות תובל־קין נעמה׃ ²³ויאמר למך לנשיו עדה וצלה שמען קולי נשי למך האזנה אמרתי כי איש הרגתי לפצעי וילד לחברתי׃ ²⁴כי שבעתים יקם־קין ולמך שבעים ושבעה׃